Daniel Noboa i cili fitoi garën presidenciale të Ekuadorit të dielën, duke marrë 55.8% të votave, para qytetarëve të tij shpalosi një pjesë nga politikat që do të ndjekë në vijm: luftimin e mafias shqiptare.
Noboa, 37 vjeç, trashëgimtar i një pasurie prej miliarda dollarësh gjatë një fjalimi të mbajtur në janar të 2024 tha se Ekuadori ishte në gjendje “konflikti të brendshëm të armatosur”, gjë që i lejoi atij të vendoste mijëra ushtarë në rrugë për të luftuar bandat.
Në lidhje me këtë situatë njerëzit u ankuan për çdo lidhje të dyshuar me grupet e krimit të organizuar.
Votuesit u shfaqën të shqetësuar për dhunën dhe rritjen e krimit të lidhur me trafikimin e kokainës së prodhuar në Kolumbinë dhe Perunë fqinje.
Për rrjedhojë politikanët shpalosën politika të ashpra kundër krimit, pajisje më të mira për zbatimin e ligjit dhe ndihmë ndërkombëtare për të luftuar kartelet e drogës dhe grupet kriminale lokale.
Krime të ndryshme duke përmendur ndër to: vrasjet, kontrabanda e armëve, vjedhja e karburantit, zhvatja si dhe krime të tjera të kryera nga grupet kriminale lokale të lidhura me kartelet meksikane dhe mafian shqiptare, u rritën ndjeshëm.