FIER– Zamir Meta, 36-vjeçari nga Patosi i Fierit, i cili ka pranuar abuzimin seksual ndaj vajzës së tij 12-vjeçare është lënë në burg.
Gjatë marrjes në pyetje, Meta ka pranuar ngjarjen e rëndë, duke pretenduar se ka ndodhur vetëm një herë. Ndërkohë, sipas ekspertizës mjeko-ligjore, abuzimi ndaj të miturës është kryer disa herë. Ngjarjen e ka denoncuar vetë 12-vjeçarja në polici ku në praninë e psikologes ka thënë se është përdhunuar nga i ati që kur ishte 5 vjeç. Pas arrestimit, 36-vjeçari Zamir Meta, ka pranuar se ka abuzuar seksualisht me vajzën e tij, por ka pretenduar se ka ndodhur vetëm një herë.
Lidhur me ngjarjen ka folur dhe nëna e të miturës, ku ka deklaruar se ngjarjen e ka mësuar në polici. Ajo ka treguar se aktualisht e mitura ndodhet në Tiranë, në Qendrën Rehabilituese për viktimat e abuzimit seksual “Lilium”.