Një ngjarje e rëndë është regjistruar mbrëmjen e sotme në qytetin e Durrësit, ku një 31-vjeçar ka mbetur i plagosur me thikë pas një konflikti të çastit.
Sipas informacioneve të para, i plagosuri ndodhej në një lokal në lagjen nr. 12 dhe ishte në gjendje të dehur. Ai është nxjerrë jashtë lokalit nga pronarja, dhe teksa po largohej, është sulmuar me thikë nga një person ende i paidentifikuar.
Autori është larguar menjëherë nga vendi i ngjarjes, ndërsa i plagosuri është transportuar me urgjencë në Spitalin Rajonal të Durrësit. Mësohet se ai ndodhet nën kujdesin e mjekëve dhe fatmirësisht është jashtë rrezikut për jetën.
Policia ka bërë të ditur se shkak i ngjarjes ka qenë një konflikt për motive të dobëta. Në një njoftim paraprak, autoritetet identifikuan të dyshuarin si shtetasi I. Ll., ndërsa i plagosuri është shtetasi E. G., 31 vjeç.
Grupi hetimor ndodhet në vendin e ngjarjes dhe po punon për zbardhjen e plotë të rrethanave. Ndërkohë, shërbimet e Policisë janë në ndjekje për kapjen e autorit të dyshuar.
Durrës/Informacion paraprak
Rreth orës 21:00, në lagjen nr. 12 Durrës, gjatë një konflikti për motive të dobëta shtetasi I. Ll, dyshohet se ka plagosur me mjet prerës (thikë) shtetasin E. G., 31 vjeç, i cili ndodhet në kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të saj. Shërbimet e Policisë vijojnë kontrollet për kapjen e autorit të dyshuarit.