Plagoset me armë zjarri një 40-vjeçar shqiptar në Kretë. Mediat greke raportojnë se shqiptari është gjtetur në rrugë nga kalimtarë të rastit.
40-vjecari me një plagë arme zjarri në këmbë është transportuar në spital ku ndodhet jashtë rrezikut për jetën.
Policia greke dyshoi se ngjarja kishte lidhje me një konflikt të ndodhur në një klub nate në zonën e Agiou Kostantinou në Irakleo.
Por dëshmia e të plagosurit e ka mbuluar ngjarjen me mister.
Sipas tij, ai ka qenë duke parkuar automjetin jashtë banesës, kur persona të maskuar e kanë rrëmbyer dhe pasi e kanë çuar në një vend tjetër, e kanë qëlluar me armë zjarri në këmbë dhe e kanë braktisur.
40-vjecari shprehet se nuk ka arritur të identifikojë asnjë nga autorët, ndërkohë sipas policisë ai rezulton të ketë pasur kërcënime të mëparshme.