Kryekomisioneri Ilirjan Celibashi komentoi pas mbylljes së votimit për pjesëmarrjen e qytetarëve në zgjedhjet e zhvilluara në 5 bashki, ku niveli i pjesëmarrjes arriti vetëm 18.4%.
Pyetjes nëse procesi mund të konsiderohej i suksesshëm, Celibashi iu përgjigj se nga ana e Komisionit Qendror të Zgjedhjeve (KQZ), zgjedhjet janë organizuar dhe administruar profesionalisht.
“Suksesi matet me mënyrën profesionale se si organizohen zgjedhjet. Mendoj se ato janë përgatitur shumë mirë nga ana e KQZ dhe janë të krahasueshme me standardet ndërkombëtare,” tha ai.