Agjencia e Mbikëqyrjes Policore ka ekzekutuar masa sigurie ndaj tre punonjësve të Komisariatit nr. 1 në Tiranë, të cilët dyshohet se kanë kryer veprime arbitrare ndaj një shtetasi të mitur, gjatë një episodi të ndodhur më 12 prill 2025.
Të pezulluarit janë:
Nënkomisare Xh. B., përgjegjëse turni në Seksionin e Patrullës së Përgjithshme;
Inspektor D. M. dhe Inspektor R. D., pjesë e trupës së shërbimit.
Masat e vendosura nga Gjykata e Shkallës së Parë Tiranë përfshijnë: Pezullim nga detyra dhe detyrim për t’u paraqitur në Policinë Gjyqësore
Sipas AMP-së, efektivët dyshohet se kanë abuzuar me detyrën gjatë shoqërimit të të miturit E.G., duke ndërhyrë përtej kompetencave ligjore.
Hetimet janë në vijim, ndërsa AMP thekson se do të vijojë mbikëqyrjen për të garantuar standard profesional dhe respekt për të drejtat e qytetarëve.