VLORË– ‘Giro d’Italia’ ka përfunduar dje etapën e tretë dhe të fundit në Shqipëri. Çiklistët garuan në Vlorë ku një episod gazmor, që nuk solli incidente, u regjistrua.
Një dhi i ndërpreu rrugën disa çiklistëve, për t’u përplasur më pas me Dion Smith. 32-vjeçari e menaxhoi si duhet situatën, ndërsa e komentoi pas përfundimit të garës.
“Nuk kisha shumë kohë për të menduar. Mund ta shikoja, 10 sekonda përpara, polici që u mundua t’i mbante të gjithë, dhe më pas një ose dy po kalonin. Nuk e dija në cilën anë do kalonte. Isha me fat që qëndrova pa rënë. Nuk e dija në cilën anë do të shkonte, çdokush tjetër shkoi majtas, ndërsa unë zgjodha djathtas. Në fund shkoi mirë.”- shpreh çiklisti i Zelandës së Re./Radar.al
“Do pranoni rezultatin e zgjedhjeve apo do dorëhiqeni?”/ Berisha: Vetëm ai lart mund të ndalojë PD