Vinicius Zhuinior ishte protagonisti i fitores 0-2 të Realit në San Sebastian kundër Sociedadit,gjatë mbrëmjes të së shtunes.
Edhe pse nuk bëri një paraqitje të mirë, braziliani shënoi një gol dhe fitoi penalltinë në golin e dytë të shënuar nga Mbape.
Por jo gjithçka i shkoi mirë sulmuesit. Momenti kulmor ishte ai i golit të parë të Realit shënuar prej vetë atij. Vinicius ka kthyer në gol penalltinë e fituar nga Arda Gyler dhe më pas është konfliktuar me tifozët e Sociedadit gjatë festimeve. Ai ua ka bërë me shenjë atyre që të mbyllin gojën, gjë që i acaroi dhe më shumë ata.
Si rrjedhojë konflikti mes futbollistit dhe tifozëve ngjalli diskutime nëpër Spanjë.
Ish-lojtari i Realit, Predrag Mijatoviç, e ka kritikuar ashpër sjelljen e Viniciusit.
“Vini mund të shmangte faremirë përplasjet me tifozët e Sociedadit. Me veprimet e tij, ai vetëm po dëmton vete. me sjelljen e tij nuk po e ndihmon aspak veten e tij. Unë mendoj se ai duhet të bëjë një hap pas, duhet të qetësohet. Të them tëdrejtën ishte mjaft i gëzuar nëmomentin kur ai shënoi, por më pas festimi i tij më la një shije aspak të mirë. Nuk e di përse duhet të reagojë ashtu. Kujt I shërben i gjithë ai tension. Të gjithë e duam Vinin, por ai po e tepron me sjelljen e tij dhe kjo është zhgënjyese”, tha Mijatoviç pas fitores së Realit.