SHKUP-Mbrëmjen e së martës jasnë regjistruar reshje të dendura shiu e për pasojë shkaktuan rritje të nivelit të lumit Markova.
Mësohet se lumi ka dalë nga shtrati në disa zona dhe përmbytje të pronave.
Sipas Qendrës Rajonale për Menaxhimin e Krizave në Shkup, lumi ka dalë mbi urën pranë vendbanimit Lubosh dhe ka shkaktuar përmbytje në disa shtëpi, depo dhe objekte industriale në fshatrat Studeniçan dhe Batinci, si dhe në pjesë të Pintisë. Përmbytje janë raportuar gjithashtu në një pjesë të bulevardit Boris Trajkovski, pranë lagjes Pintija. Autoritetet lokale në Studeniçan dhe Kisella Vodë kanë ndërhyrë në terren për të menaxhuar situatën, ndërsa në zonat më të prekura janë angazhuar shërbimet emergjente.
Ndërkohë në operacionet e shpëtimit dhe menaxhimit të krizës po marrin pjesë Brigada e Mbrojtjes nga Zjarri dhe Shpëtimit e Qytetit të Shkupit, Ndërmarrjet Publike të Qytetit të Shkupit, si dhe Njësitë e Pushtetit Lokal. Autoritetet po monitorojnë situatën dhe janë në gatishmëri për çdo përkeqësim të mëtejshëm të kushte./Radar.al