Reagimi i Iranit ndaj vrasjes nga Izraeli të liderit të Hamasit Ismail Haniya javën e kaluar, pritet të ndodhë moment pas momenti.
Në SHBA, vlerësimi është se sulmi është një çështje ditësh apo edhe 48 orësh dhe se ai mund të manifestohet përmes Hezbollahut ose Huthit në Jemen ose grupeve pro-iraniane në Siri dhe Irak – me të gjitha organizatat, nën kontrollin dhe drejtimin e Teheranit.
Presidentit të SHBA Joe Biden dhe Zëvendës Presidentes Kamala Harris iu komunikua dje se është ende e paqartë se kur Irani dhe Hezbollahu do të fillojnë një sulm ndaj Izraelit.
“Ne kemi marrë përditësime mbi kërcënimet nga Irani dhe përfaqësuesit e tij, përpjekjet diplomatike për të ulur tensionet rajonale dhe përgatitjet për të mbështetur Izraelin nëse ai sulmohet përsëri”, shkroi presidenti amerikan X.
Blinken siguroi se Uashingtoni ishte angazhuar në “përpjekje intensive diplomatike, ditë e natë” për të ulur tensionet, mes shqetësimeve për hakmarrjen e supozuar të Teheranit kundër Izraelit pas vrasjes së liderit të Hamasit, Ismail Haniya javën e kaluar.
Ndërkohë oficerët e lartë të ushtrisë izraelite (IDF) i sugjeruan dje ministrit të Mbrojtjes Yav Galand dhe kryeministrit që të mos presin një sulm nga Hezbollahu, por ta parandalojnë atë .
“Shanset e përshkallëzimit në frontin verior po rriten. Do të ishte e mençur të drejtohej iniciativa,” kërkoi Benjamin Netanyahu. Duke folur nga Rusia, ministri i Jashtëm izraelit, Israel Katz, tha gjithashtu se Irani është i vendosur ndaj sulmit, një mesazh që Teherani ia kaloi Izraelit përmes ministrit të Jashtëm hungarez.
Earlier, @VP and I were briefed in the Situation Room on developments in the Middle East.
We received updates on threats posed by Iran and its proxies, diplomatic efforts to de-escalate regional tensions, and preparations to support Israel should it be attacked again.
We also… pic.twitter.com/kbRcVkW3ex
— President Biden (@POTUS) August 5, 2024