Instagram po nxjerr një veçori të re që i lejon përdoruesit të planifikojnë mesazhe direkte (DM) për një datë dhe orë të ardhshme.
Funksioni është aktualisht i disponueshëm për një numër të kufizuar përdoruesish Android, duke shënuar një hap përpara në bërjen e komunikimit më efikas dhe të personalizueshëm në platformë.
Opsioni i planifikimit u mundëson përdoruesve të caktojnë një kohë specifike për dërgimin e mesazheve të tyre. Kjo është veçanërisht e dobishme për planifikimin e urimeve të ditëlindjes, mesazheve profesionale ose komunikimeve të tjera të ndjeshme ndaj kohës.
Si ta skeduloni një mesazh? Hapni një bisedë dhe shkruani mesazhin tuaj. Më pas mbani të shtypur butonin e dërgimit për të hapur ekranin e planifikimit. Zgjidhni datën dhe orën të doni të dërgohet. Konfirmoni orarin dhe një njoftim do të shfaqet në shiritin e mesazheve. Në kohën e caktuar, mesazhi do të dërgohet automatikisht, edhe nëse jeni jashtë linje, duke eliminuar nevojën për dërgim manual. Pasi të keni vendosur orën, do të shfaqet një mesazh konfirmimi si “1 mesazh i skeduluar”, që tregon se mesazhi është në pritje. Funksioni pritet të jetë i disponueshëm për të gjithë përdoruesit e Android dhe iOS në javët e ardhshme.
Radar.al