Pas tensioneve të forta të krijuara gjatë Prime-it në Big Brother VIP Albania 5, marrëdhënia mes Mirit dhe Selinit duket se po shkon drejt qetësimit.
Gjithçka nisi një natë më parë, kur në një moment surprizë, nëna e Selinit i kërkoi vajzës të largohej nga shtëpia. Megjithatë, ajo vendosi të qëndrojë dhe të vijojë garën për çmimin e madh.
Ditën e sotme, Miri ka kërkuar ndjesë publike ndaj Selinit për situatën e krijuar, duke theksuar se nuk ka pasur asnjë qëllim për të ofenduar as atë dhe as familjen e saj.
“Dua të të kërkoj ndjesë për situatën e mbrëmshme… nuk ka qenë qëllimi që të ndihen keq familjarët tanë. Nëse është interpretuar ndryshe, kërkoj ndjesë ty dhe mamasë tënde,” u shpreh ai.
Nga ana tjetër, Selin e pranoi situatën me qetësi, duke i thënë se ndjesa duhej drejtuar asaj dhe jo nënës.
Miri shtoi se nga tani e tutje do të shmangë çdo ofendim dhe se përplasjet mes tyre do të mbeten vetëm në kuadër të lojës. Selin u shpreh dakord, duke lënë të kuptohet se mes tyre mund të nisë një fazë më e qetë brenda shtëpisë.