ROMË– Raportohet se Papa Françesku kaloi një tjetër natë në spital, ndërsa mësohet se gjendja e tij ka qenë e qetë dhe konsumoi mëngjes normalisht këtë të mërkurë.
Ati i Shenjtë në moshën 88-vjeçare, më herët ka patur një rast pleuriti dhe iu hoq një pjesë e një mushkërie, ndodhet në spitalin Gemelli të Romës që nga e premtja për trajtimin e bronkitit.
Bazuar në përditësimet nga Vatikani, bëhet me dije se testet, rrezet X dhe gjendja klinike e Papës vazhduan të paraqesin “një situatë komplekse”. Bronkiti mund të çojë në pneumoni, një infeksion më serioz i qeseve ajrore të mushkërive.
Matteo Bruni, drejtor i zyrës së shtypit të Selisë së Shenjtë, tha se Papa Françesku ishte në “gjendje shpirtërore të mirë” dhe ishte mirënjohës për lutjet e njerëzve./Radar.al