TIRANË– Sot Kreu i Partisë së Lirisë dhe ish-bashkëshortja e tij Monika Kryemadhi janë paraqitur në GJKKO në seancën për masën e sigurisë që do jepet ndaj tyre.
Ndërkohë Ilir Meta pas dy netëve në qeli, sot është shoqëruar nën masa të shumta policie nga Blloku i Sigurisë së Lartë drejt GJKKO-së.
Meta ndodhet prapa kafazit prej xhami të GJKKO kur pritet të njihet me rivlerësimin e masës së sigurisë. Aty ndodhet i rrethuar nga dy punonjës policie, ndërsa Monika Kryemadhi shihet teksa futet në sallën e gjyqit duke biseduar me një efektiv policie.
Seanca ishte parashikuar për në orën 09:30 por u shty për në 13:30 pasi avokatët kërkuan kohë për tu njohur me provat.
Kujtojmë se gjatë seancës së mëngjesit Meta u përplas ashpër me kreun e SPAK, Altin Dumani dhe prokurorët e çështjes. Ish-Presidenti i Republikës ka hedhur akuza ndaj tyre teksa ndodhej në sallën e gjyqit./Radar.al
“Qen”/ Zëri i Ilir Metës dëgjohet deri në oborrin e SPAK, ja si reagoi Altin Dumani pas kërcënimeve