Një fenomen i rrallë meteorologjik ka kapluar ishullin e Kretës në Greqi, ku pluhuri afrikan ka mbuluar zonën, duke krijuar një peizazh të mbytës dhe mjegullor, me dukshmëri të kufizuar dhe sipërfaqe të mbuluara nga një shtresë e hollë pluhuri ngjyrë të kuqërremtë.
Sipas mediave lokale, pluhuri ka ardhur nga Sahara, duke ngarkuar atmosferën me sasi të mëdha grimcash që u përzunë me reshjet, duke krijuar shi të përzier me baltë. Kjo ka lënë gjurmë intensive në rrugë, ndërtesa dhe automjete, ndërsa regjistrimet tregojnë se përqendrimet e mikrogrimcave kanë arritur deri në 20 herë mbi kufijtë e lejuar, duke bërë efektin vizual dhe ekologjik të dukshëm.
Ndërkohë, erërat e forta që shoqërojnë këtë pluhur kanë krijuar valë të ashpra detare dhe kanë ndikuar në sigurinë e lundrimit, duke shqetësuar trafikun detar dhe aktivitetet në bregdet. Për shkak të këtyre kushteve ekstreme, autoritetet kanë vendosur mbylljen e të gjitha shkollave në Kretë për ditën e nesërme, si masë paraprake për sigurinë e nxënësve.
Imazhet e qarkulluara tregojnë qiellin me një ngjyrë portokalli dramatike, ndërsa dukshmëria e reduktuar dhe peizazhi mbuluar nga pluhuri krijojnë një pamje pothuajse fantastike, por me kushte të rrezikshme për banorët dhe turistët.