Gjykata e Posaçme kundër Korrupsionit dhe Krimit të Organizuar (GJKKO) ka dhënë vendimin për 14 prej të arrestuarve në kuadër të operacionit ndërkombëtar antidrogë “Ura”.
Gjyqtarja Rudina Palloj vendosi të lërë në fuqi masën e “arrestit me burg” për 11 persona të dyshuar për përfshirje në një rrjet të strukturuar kriminal, ndërsa për tre të ndaluarit: Ervis Deti, Bexhet Mema dhe avokatin Armand Tragaj, masa e sigurisë u ndryshua në “detyrim paraqitje”.
Operacioni “Ura”, i zhvilluar në bashkëpunim me autoritetet italiane, çoi në arrestimin e 28 personave, ndërsa u sekuestruan sasi të konsiderueshme kokaine dhe para cash. Në total, janë vendosur 29 masa sigurie në Shqipëri dhe 22 në Itali, si dhe një urdhër ndalimi për ekstradim.
Emrat e personave që u paraqitën sot para GJKKO-së për masë sigurie:
Orgest Molla
Armand Tragaj
Altin Morina
Ekil Nderjaku
Musa Korça
Rando Aliu
Sokol Istrefi (alias Tatani)
Bexhet Mema
Ervis Deti
Ligor Çombashi
Altin Pjetri
Ervin Zeqiri
Gezim Thartori
Alfred Hysa
Gjykimi ndaj të tjerëve pritet të vijojë, ndërsa për 5 të arrestuar është kërkuar masa sigurie nga gjykatat e zakonshme për shkak të urdhrave aktivë të ekstradimit nga autoritetet italiane.