Një person i shpallur në kërkim u arrestua këtë të mërkurë në zonën e Don Boskos në Tiranë. Efektivët e Sektorit për Operacionet Speciale dhe Kërkimin në DVP Tiranë, arrestuan me qëllim ekstradimin në Itali, 46-vjeçarin e dënuar me 5 vjet e 11 muaj burgim nga autoritetet italiane.
Akuzat që rëndojnë ndaj tij janë “vjedhje në rrethana rënduese”, “armëmbajtje pa leje” dhe “mbajtje pa leje të dokumenteve të falsifikuara”. Personi në pranga është identifikuar me të dy emrat që përdorte Gentian Kadillari alias Endri Zyli Imeraj.
“Shërbimet e Sektorit për Operacionet Speciale dhe Kërkimin në DVP Tiranë në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar “ëanted 5”.
Gjatë operacionit shërbimet e Policisë kanë kapur në rrugën “Don Bosko” dhe arrestuar me qëllim ekstradimin drejt Italisë, shtetasin Gentian Kadillari alias Endri Zyli Imeraj 46 vjeç, banues në Tiranë.
Ky shtetas ishte shpallur në kërkim ndërkombëtar, pasi Gjykata e Apelit Ankona, Itali, e ka dënuar me 5 vjet e 11 muaj burgim për veprat penale “Vjedhja në rrethana rënduese”, “Armëmbajtja pa leje” dhe “Mbajtja e dokumenteve të falsifikuara” parashikuar nga Kodi Penal italian.
Viijojnë procedurat për ekstradimin e këtij shtetasi, në Itali”, njofton policia.