Në një operacion sekret të koordinuar nga qeveria shqiptare dhe partnerët ndërkombëtarë, Eva Dumani, e cila kishte qëndruar për shumë vite në kampin Al-Haël, u kthye sot në Shqipëri.
Burime qeveritare për Top Channel treguan se në misionin disa javor u përfshinë Drejtoria për Marrëdhënie me Jashtë në Policinë e Shtetit, zyrtarë të Antiterrorit dhe autoritetet turke. Eva Dumani u mbërrit paraditen e sotme nga Turqia në aeroportin e Rinas.
Eva dhe vëllai i saj, Endri Dumani, ishin dy prej 80 fëmijëve dhe grave të mbetura në kamp pas rënies së Shtetit Islamik. Ata mbetën të vetëm pasi gjyshja e tyre, Mendije Dumani, që kujdesej për ta, ndërroi jetë në Siri.
Një shqiptar, i identifikuar në Facebook si Amar El Albani, ndau momentet e fundit të gjyshes, duke përshkruar situatën dramatike në kamp dhe vështirësitë që hasën për të shpëtuar fëmijët.
Ky operacion shënon kthimin e parë të sigurt të një shtetasi shqiptar nga kampet e mbetura në Siri pas rënies së Shtetit Islamik.