Autoritetet turke kanë lëshuar urdhër ndalimi për 14 persona të njohur publikisht, përfshirë emra të njohur të showbiz-it, si Burak Deniz, Mert Demir dhe Sinem Ünsal, në kuadër të një hetimi për drogë.
Prokuroria Publike e Anadollit në Stamboll, në bashkëpunim me Drejtoria e Xhandarmërisë së Stambollit – Njësia për Luftimin e Krimeve të Narkotikëve, njoftoi se të dyshuarit akuzohen për veprat penale: “blerja, pranimi ose mbajtja e lëndëve narkotike/psikotrope për përdorim, apo përdorimi i tyre” dhe “sigurimi i lëndëve narkotike/psikotrope”.
Gjatë operacionit njëkohësisht për arrestimin e tyre, 11 persona u ndaluan, dy të dyshuar janë në arrati dhe po kërkohen, ndërsa një i dyshuar ndodhet jashtë vendit.
Të ndaluarit janë: Hafsanur Sancaktutan, Emir Can İğrek, Serra Pirinç, Ogün Alibaş, Utku Ünsal, Elif Büşra Pekin, Burak Deniz, Mert Demir, Emre (Fel) Öztürk, Ender Eroğlu dhe Enes Güler.
Për personat me urdhër ndalimi ende në fuqi – Somer Sivrioğlu, Sinem Özenç Ünsal dhe Ahsen Eroğlu – autoritetet vazhdojnë përpjekjet për kapjen e tyre.
Po ashtu, këngëtari Yusuf Güney, i cili ishte ndaluar më parë dhe rezultoi pozitiv në testin për drogë, është ndaluar sërish nën dyshimin për veprën penale “nxitje/kurajim të përdorimit të lëndëve narkotike”.
Ky operacion evidenton angazhimin e autoriteteve turke për të goditur përdorimin dhe shpërndarjen e substancave narkotike, edhe kur përfshihen persona të njohur publikisht.