PRISHTINË- Xheneta, një nga banorët e Big Brother Vip Kosova 3, mbrëmjen e djeshme ka folur me shumë emocion për të gjithë historinë e jetës së saj.
Konkurentja ka zbuluar se në fëmijërinë e saj ka kaluar momente shumë të vështira. Ajo është braktisur nga nëna e saj, teksa kujton se shikonte fëmijët e tjerë dhe i thoshte vetes pse dhe ajo s’është si të tjerët.
“Kur i shikoja fëmijët tjerë, thoja pse nuk mund të jem edhe unë njësoj. Unë nuk e njoh aromën e nënës kur dikush e thotë, jam sikur pa një krah por jam shumë krenare që kam në jetën time një grua shumë të fort dhe shembull sikursë Sabria. Nuk e di qysh mundet me kane një njerkë kaq e mirë sikurse kjo, kjo është në gjendje me krejt botën me u përla kur është në pyetje Xheneta. U pendova shumë që erdha, sepse u mërzita shumë e thojsha është aj ëndrra ime që më ka munguar gjithmonë, po realizohet por nuk ishte ashtu…Në ato momente kuptova që ajo as fëmijëve të vet nuk i ka treguar që ne ekzistojmë. Na tha se ka menduar që ne kemi vdekur.”- ka thënë Xheneta.
Më tej ajo rrëfeu edhe për lidhjen e saj prej pesë vitesh me ish të dashurin. Ajo tha se pas një kohe, ai ndryshoi dhe sipas saj, fjala e saj më nuk kishte vlerë dhe dikur filloi edhe me dhunë fizike.
“…Filloi njëherë më një shuplakë….Pas fejesës tonë ai nisi të dalë me vajza tjera, filloi të ushtroj më shumë dhunë derisa nuk mundesha të ecja në këmbë. Ishte pjesa e fundit që unë thirra babin dhe Sabrinë dhe ju thash unë nuk mundem më. Aty kam tentuar ta mbys edhe vetën sepse u lodha. Pas tentimit për vetëvrasje u kanë një shoqe e imja që më ka pa dhe e kam pasur të detyrueshme që të takoj psikologun, ka qenë një periudhe që isha shumë thellë në depresion, kam pirë alkool dhe nuk doja të zgjohesha hiç.”- deklaroi mes lotësh Xheneta./Radar.al