Mediat e huaja kanë raportuar së fundmi se një vartiant i ri i covid-19 SARS-CoV-2, ka filluar të shfaqen rregullisht në Australi.
Varianti më i fundit LP.8.1 mësohet se po përhapet me shpejtësi duke numëruar afërsisht një në pesë raste me COVID-19 në New South Wales.
Thuhet se LP.8.1 u bë varianti i tretë më dominues në shtetin e New South Wales. Ndërsa mësohet të jetë zbuluar për herë të parë në korrik 2024.
LP.8.1 është një pasardhës i Omikronit, konkretisht i KP.1.1.3, që është pasardhës i JN.1, një nën-variant që shkaktoi valë të mëdha infeksionesh me COVID në mbarë botën në fund të vitit 2023 dhe fillim të vitit 2024.
Organizata Botërore e Shëndetësisë (OBSH) e ka shpallur LP.8.1 si një variant nën monitorim në janar, për shkak të rritjes së tij të ndjeshme në mbarë botën.