Detaje të reja kanë dalë në dritë nga operacioni i sotëm në Orosh, ku Julian Çumaraku dhe Arben (Hamza) Uka u vetëdorëzuan pas orësh të tëra negociatash me policinë. Sipas burimeve, Hamza Uka rezulton të jetë i plagosur në momentin e dorëzimit.
Ende nuk dihet si është marrë plaga, pasi Policia dhe forcat speciale RENEA konfirmojnë se nuk kanë qëlluar asnjëherë në drejtim të banesës së braktisur ku dy të armatosurit fshiheshin prej muajsh.
Aksioni nisi herët në mëngjes në fshatin Orosh, të njësisë administrative Qafë-Mali, ku uniformat blu rrethuan godinën e braktisur. Situata u vlerësua e rrezikshme dhe Policia e Pukës kërkoi menjëherë mbështetjen e forcave RENEA për ndërhyrje të specializuar.
Brenda banesës ndodheshin Julian Çumraku dhe Arben Uka, të cilët pas orësh negociatash pranuan të dalin dhe t’i dorëzohen autoriteteve.