Nga sot (1 shkurt 2025) aplikohet çmimi i ri i energjisë elektrike në kategori konsumi për të gjithë abonentët familjarë, njofton OSHEE.
Vendimi, u miratua në fillim të janarit nga Bordi i Entit Rregullator të Energjisë.
Ulja e çmimit do të prekë vetëm kategorinë e konsumatorëve familjarë, duke përjashtuar kategoritë e tjera si bizneset, institucionet buxhetore dhe jobuxhetore. Ndryshime nuk do të ketë as për furrat e bukës.
Sipas vendimit, për konsumimin e mbi 700 kw/orë vijon tarifa 9.5 lekë. Aktualisht çmimi i energjisë për abonentët familjarë është 9.5 lekë për kilovat pa TVSH, ndërsa me TVSH arrin në 11.4 lekë.
-Nën 700 kw/ orë 8.5 lekë ose 10.2 lekë me TVSH
-Mbi 700 kw/orë 9.5 lekë ose 11.4 lekë me TVSH.
“Me çmimin e ri të energjisë, 10.5% më të ulët, i cili nis të aplikohet nga sot 1 shkurt 2025, ✅ ju urojmë muaj të mbarë!”, shkruajti ministrja Belinda Balluku në rrjetet sociale.
