LONDËR– Këngëtarja e njohur me origjinë shqiptare, Bebe Rexha “ka konfirmuar” përmes një InstaStory ndarjen nga arkitekti grek Simos Liakos.
Teksa jemi në prag të Shën Valentinit, Bebe i habiti fansat me një mesazh që la të kuptohej se është single dhe e hapur për të pranuar lule nga admiruesit e saj.
“Shikoni, unë po bëja shaka, por shumë prej jush po thoni që dëshironi të më dërgoni lule… dhe nëse doni të më dërgoni lule, askush nuk ju ndalon. Dërgojini vajzës tuaj disa lule, sepse unë jam beqare dhe unë dua të ndjej dashurinë”, ka shkruar këngëtarja.
Ky mesazh ka bërë që fansat të spekulojnë se romanca e saj me Simos Liakos ka përfunduar, edhe pse asnjëri prej tyre nuk e ka konfirmuar ndarjen. Kujtojmë se Bebe Rexha dhe Simos Liakos u panë për herë të parë së bashku në nëntor të vitit të kaluar, kur u shfaqën në disa momente të afërta në publik./Radar.al