Ngrihet alarmi për zhdukjen e një personi në Shqipëri. Bëhet fjalë për një turist lituanez.
Ai rezulton i zhdukur prej 2 ditësh në Bjeshkët e Valbonës. Ekipet e kërkim-shpëtimit të Kosovës dhe Shqipërisë sot në mëngjes kanë nisur një aksion të përbashkët për gjetjen e tij. Kërkimet po përqendrohen në shtegun Valbonë – Theth.
Turisti kishte dalë për të eksploruar Bjeshkët e Nemuna, por prej datës 6 shtator nuk është kthyer në bujtinën ku po qëndronte.
Familjarët dhe banorët kanë kërkuar ndihmë për ta lokalizuar pasi nuk kanë mundur të kontaktojnë me të.
Tropojë/Informacion paraprak
Jemi njoftuar se një shtetas lituanez, që nga dita e djeshme ka humbur kontaktet me pronarët e një bujtine ku ishte akomoduar, në zonën e Valbonës.
Menjëherë pas marrjes së njoftimit, shërbimet e Policisë të Komisariatit Tropojë, së bashku me ekipin e kërkim shpëtimit malor të Kosovës, kanë organizuar punën dhe nisur kërkimet për lokalizimin dhe gjetjen e tij.
Për shkak të terrenit të vështirë dhe të thepisur është kërkuar ndërhyrja e helikopterit, për një monitorim me efikas, njëkohësisht zona po monitorohet me dronë.