Një lajm i trishtë ka tronditur Shkupin dhe gjithë botën e futbollit në Maqedoninë e Veriut. Adrej Lazarov ka ndërruar jetë, pasi nuk i ka mbijetuar plagëve të marra në spikat.
Lazarov ndodhej në Koçan, kur po zhvillohej koncerti që përfundoi me mbi 50 viktima.
Njoftimi i Shkupit:
“Edhe pse paraprakisht nga familjarët e tij kishim informacione se është mirë, me dhimbje të thellë dhe pikëllim të madh, njoftojmë se futbollisti ynë, Andrej Lazarov, është konfirmuar mes viktimave të zjarrit tragjik që ndodhi gjatë natës në Koçan.
Si një shpirt hero që ishte, Lazarov humbi jetën duke u përpjekur të ndihmojë të tjerët të shpëtojnë nga ambienti i kapluar nga zjarri. Ai u helmua nga tymi gjatë përpjekjeve të tij për të shpëtuar jetë, duke treguar guxim dhe humanizëm deri në momentin e fundit. Veprimi i tij heroik do të mbetet gjithmonë në kujtesën tonë, si një dëshmi e karakterit të tij fisnik dhe zemrës së tij të madhe.
Kjo është një humbje e madhe për klubin tonë, për shokët e ekipit dhe për gjithë komunitetin e futbollit. Fjalët janë të pakta për të përshkruar dhimbjen që ndjejmë në këto momente, në këtë tragjedi prej më të mëdhave në histori që e ka kapluar klubin tonë!
FC Shkupi i shpreh ngushëllimet më të sinqerta familjes së tij, të afërmve dhe gjithë familjes së madhe të klubit tonë.
Adrej ishte vetëm gjashtë muaj pjesë e Shkupit, por emri i tij do të mbetet i pashlyer gjithmonë si pjesë e skuadrës sonë.
Kujtimi për te do të mbetet gjithmonë i paharruar në zemrat tona!”/PANORAMASPORT
20-vjeçarja që i mbijetoi zjarrit në Koçan: Motra ime ka humbur, s’po e gjejmë