Përfaqësuesi i Estonisë në Eurovision 2025, Tommy Cash, ka reaguar pas përfundimit të garës, ku vendi i tij u rendit i treti – vetëm një pikë larg vendit të dytë.
Në një deklaratë për transmetuesin publik estonez ERR, Cash u shpreh se ndonëse rezultati ishte i mirë, kishte një ndjesi zhgënjimi për humbjen e vendit të dytë me një diferencë minimale. “Është për të ardhur keq që nuk e fituam atë pikë të vetme, gjërat u politizuan pak,” tha ai.
Me këngën “Espresso Macchiato”, Tommy Cash siguroi 98 pikë nga juria dhe 258 nga televotimi, duke e çuar përkohësisht në vendin e dytë me 356 pikë gjithsej. Por, në fund, Izraeli e parakaloi me një total prej 357 pikësh, duke marrë më shumë mbështetje nga publiku.
“Vendi i dytë dhe i tretë janë gjithsesi shumë të mirë. Jam i lumtur për vlerësimin që morëm, veçanërisht nga juria,” shtoi artisti estonez.
Cash përfundoi duke theksuar se, pavarësisht rezultatit final, për të estonezët mbetën “më të popullarizuarit dhe më të njohurit” në Eurovision.