TIRANË-Kryeministri Edi Rama sikurse nuk harron asnjëherë të bëjë batuta në fjalimet e tij, edhe sot në takimin e dytë të nivelit të lartë “Shqipëria 2030 në BE- Rruga e Reformave”, tha një të tillë.
Shef i qeverisë u shpreh mirënjohës për vlerësimet pozitive që ka marrë Shqipëria nga Këshilli Evropian dhe BE për punën që vendi ynë po bën për t’u anëtarësuar në familjen e madhe evropiane.
Sigurisht gjatë fjalimit të Ramës nuk munguan batutat. Kryeministri theksoi mirënjohjen e shqiptarëve për BE-në.
Me batutë Rama tha: Nuk e prisja që do vinte një ditë që unë do shprehesha me tone shumë pozitive për Këshillin Evropian. Por jemi shumë mirënjohës për ekspertizën që kemi marrë nga Këshilli Evropian. Ne ngelëm duke e falënderuar BE-në mëngjes drekë darkë. Myslimanët falen pesë herë, i falen Allahut pesë herë, ne i falemi BE-së më shumë se pesë herë në ditë.
Ndër të tjera Rama shprehu besimin e tij të fortë për BE-në. Kryeministri tha së BE nuk është një park ku shkohet për qejf.
Sakaq ai thekso se BE është edhe një familje ku shqiptarët mund të jenë përfundimisht të sigurt dhe të kenë një të ardhme të pa kërcënuar përditë nga e shkuara.
“Unë jam këtu për ta konfirmuar fuqishimisht. Besojmë pa kushte në këtë proces, e dimë shumë mirë se BE nuk është një park ku shkohet për qejf, është një familje jo e lehtë për të qenë pjesë. Por është edhe një familje ku mund të jemi përfundimisht të sigurt dhe të kemi një të ardhme të pa kërcënuar përditë nga e shkuara.”- tha Rama./Radar.al
Dosja “Sterilizimi”/ Shtyhet seanca në GJKKO, shkak mungesa e ish-ministrit Beqaj
“Threedots u përça?”/ Th*kë pas shpine, për kë e kishte Flori Mumajesi? (VIDEO)