Ditën e sotme Qeveria miratoi rritjen deri në 20 mijë lekë në muaj për paketën higjeno-sanitare për para dhe tetraplegjikët.
Lajmi u bë me dije nga ministrja e Shëndetësisë dhe Mbrojtjes Sociale, Albana Koçiu e cila ditën e sotme zbuloi vendimin e marrë në mbledhjen e Këshillit të Ministrave sa i përket target grupit të personave para dhe tetraplegjikë duke rritur kështu mbështetjen financiare për afro 5.600 persona.
Në një deklaratë të bërë për mediat, ministrja Koçiu sqaroi se për këtë target grup u vendos që të rishikohet masa e ndihmës së ofruar për mbulimin e shpenzimeve për përballimin e paketës së domosdoshme me materiale të veçanta higjieno-sanitare.
Ndërsa për pjesën e mungesës së medikamenteve për personat me sëmundje tumorale, Kociu tha se janë bërë marrëveshjet për furnizimin me barnat e nevojshme.
‘QSUNT ka marrë gjithë mbështetjen e nevojshme për ta pajisur spitalin me barnat e nevojshme. Furnizimi me barna është një nga proceset më komplekse. Tani që flasim janë nënshkruar marrëveshjet për furnizimin periodik dhe nuk pritet të ketë mungesa’, tha ajo.
LEXO EDHE:
Osman Stafa/ Gënjeshtrat e Lencit dhe një përgjigje për ata që e përdorin