Sipas parashikimit të Shërbimit Meteorologjik Ushtarak, dita e shtunë do të karakterizohet nga kushte atmosferike të paqëndrueshme në të gjithë vendin. Moti pritet të alternohet mes vranësirave mesatare deri të dendura dhe intervaleve të shkurtra me diell.
Gjatë orëve të mesditës e deri në mbrëmje, priten reshje shiu me intensitet të ulët dhe të herëpashershme, ndërsa në periudha të shkurtra mund të shfaqen edhe shtrëngata lokale.
Në zonat malore, veçanërisht në Alpe dhe në verilindje mbi 400–500 metra, si dhe në lindje dhe juglindje mbi 700–800 metra, parashikohen reshje dëbore me intensitet të ulët dhe në mënyrë të izoluar deri mesatare.
Era do të fryjë nga verilindja drejt veriperëndimit me një shpejtësi mesatare rreth 8 m/s. Në zonat bregdetare dhe ato malore, herë pas here, era mund të arrijë deri në 17 m/s, duke sjellë edhe dallgëzim në det prej 3 deri në 5 ballë.