Kryetari i Bashkisë së Tiranës, Erion Veliaj ka reaguar sërish me një postim në rrjetet sociale, nga qelia për të sqaruar akuzat që janë përpiluar nga prokurori Ols Dado në adresë të tij.
Mes të tjerash Veliaj thotë edhe se prokurori i ka ndaluar takimet me familjarët dhe komunikimet me ta, përveçse me avokatët.
Edhe mjekët po habiten nga ndryshimi i madh, çfarë po ndodh me fëmijët? Rastet me alergji…
“Momentalisht, përndjekësi i familjes sime për llogari të Sali Fundërrinës, Ols Dado, fytyrën e të cilit ju e patë vetëm një fraksion minuti në replikat e turpshme në thertoren e Erion Banit, më ka ndaluar çdo takim e komunikim. Kam vetëm këto pusulla ditore me avokatët, deri ditën kur do mund t’ju përqafoj të gjithëve ju, e të merrem me zë e me figurë me këta burra të paburra.
Disa më çojnë porosi që ta ul pak gjuhën, jo se prokurori ndërtues hakmarrës nuk e meriton, përkundrazi, por që “të mos çmëndet më keq dhe ta punon më keq”. Jo se adashi kasap s’e meriton, por që “të mos të të qepet më keq se e ka ves të keq”.
Po çfarë mund të më bëjnë më shumë? Të më dënojnë me vdekje? Se në burg jam e jam! Olsi nuk më hetoi, po më hyri nga vrima e çelësit në jetën time dhe në fustanët e gruas time, me një LETER ANONIME që s’është çudi ta ketë shkruar vetë ose ta ketë marrë të shkruar nga maniakët e Sali Fundërrinës!”, shkruan Veliaj.