“A duhet të puthen prindërit në sy të fëmijëve?”. Kjo ishte kjo tema “që bëri hapjen” e emisionit “Shije Shtëpie”.
Lidhur me këtë temë, moderatorja e programit, Katerina Trungu u shpreh për eksperienën e saj personale teksa theksoi se e ka patur tmerr kur shikonte që prindërit putheshin në sy të saj.
Ndjehej e bezdisur por dhe xheloze për këtë gjë.
“Unë kur kam qenë e vogël e kisha tmerr t’i shihja prindërit e mi duke u puthur. Vërtet, e kam pasur bezdi domethënë, bëhesha shumë xheloze, e kisha shumë problem të putheshin dhe më duket sikur kjo gjë ka ndikuar gjithmonë”, u shpreh moderatorja.
E pyetur nëse tani ajo dhe partneri puthen në sy të fëmijëve, Katerina tha:
“Me kujdes shumë, patjetër. Jo, jo, nuk para… jam e kujdesshme.”
Psikiatrja Belina Pupa ndërhyri për ta pyetur nëse ajo bëhej xheloze kur prindërit puthnin vëllain.
“Unë jam e para, vëllai s’ka qenë kur unë i kisha këto krizat e xhelozisë. Unë nuk mund ta shihja tim atë të puthte mamin se isha unë aty, i ndaja, hyja në mes direkt. Kam qenë e tmerrshme”, shtoi më tej Katerina.