Sulmuesi i Kombëtares shqiptare, Mirlind Daku, nën fanellën e Rubin Kazan, përballë rivalëve të Akron Togliatti, në javën e 16-të Premier Ligës ruse shënoi dy herë në minutat 10’ e 20’.
Daku ia kushtoi ato gola Martin Canit dhe familjarëve të tij, duke kujtuar në këtë mënyrë futbollistin 14-vjeçar shqiptar, i cili u vra i goditur me thikë në një zënkë për arsye banale mes bashkëmoshatarësh.
“Dy golat shkojnë për familjen e Martinit dhe për vet Martinin. Bohuni të fortë, ai do shndrit në parajsë”,- shkruan Daku në mesazhin e tij prekës për djaloshin i cili u nda nga jeta në mënyrë tragjike pak ditë më parë në Tiranë.