TIRANË– Sot Partia Socialiste do të mbledhë Kongresin Zgjedhor në orën 11:00 tek pallati i Kongreseve. Punimet e Kongresit të PS-së do të jenë një miksim i punëve të partisë dhe ato të qeverisë së Edi Ramës.
Gjithashtu në këtë kongres do të votohet Asamble e re, ku Rama ka kërkuar që të jenë të rinj dhe të filtrohen dy të punësuarit apo drejtorët që kanë poste në parti dhe administratë. Asambleja e PS ka 350 anëtarë, por Kongresi do të zgjedhë vetëm 156 prej tyre, pasi anëtarët e tjera janë automatikisht për shkak të funksionit ( kryetarët Kuvendi, deputetë, ministra, kryetarë bashkish).
Agjenda
Sesioni i parë do të jetë i ndarë në tre pjesë: Mirëqeverisja, antikorrupsioni dhe partia
- Kongresi fillon me arritjet e qeverisë
- Antikorrupsioni (Flasin Adea Pirdeni, Fatmir Xhafaj))
- Partia (Blendi Klosi, Elisa Spiropali dhe Bora Muzhaqi për nismën “Deputeti që duam”)
Në mbyllje të këtij sesioni do të flasë kryeministri Edi Rama, dhe në fund do të bëhet votimi i asamblesë së re.