Një nga viktimat që ra pre e skemave mashtruese të mikrokredive të cilat dyshohet se funksionojnë si një grup kriminal, është emri i të ndjerit Pal Trashaj i cili i dha fund jetës së tij para portës hyrëse të SPAK.
Në dosjen e hetuar nga Antoneta Sevdari, Ndini Tavani dhe Arben Agovi e cila vijon të shqyrtohet nga prokurorët e posaçëm në Tiranë, përmenden raste të kërcënimit të qytetarëve për rimarrje kredish.
Burime për Top Channel bëjnë me dije se një ndër ta është përmendur dhe dëshmia e çiftit Kozeta dhe Pajtim Sinomati të cilët në 2009 morën një kredi prej 500 mijë lekësh për të arreduar banesën.
Por MCA më pas i morën banesën tre katëshe, i sekuestruan automjetin dhe llogaritë bankare.
Në dëshminë e dhënë në prokurori çifti tregon se si nisën shlyerjen e kredisë por që nuk dolën asnjëherë nga ky kurth.
Në këtë formë ka dyshime se ju mor pasurie 1700 shtetasve të cilët nga prona të qytetarëve kaluan në pasuri të MCA dhe Final.
Numri i personave që i kanë kaluar SPAK është rreth 17 të dyshuar, mes tyre edhe Olsi Ibro i cili në kulmin e hetimeve i dha fund jetës.
Të dyshuarit e rastit në fjalë konsiderohen anëtarë të grupit kriminal që duhen hetohen seriozisht nga SPAK.
Por janë gjithashtu nën hetim për të njëjtën skemë edhe një zyrë përmbarimi e dyshuar për mashtrim me pasoja të rënda si edhe micro credit Albania, Adca dhe Final.
Grupi thotë SPAK nuk u krijua rastësisht dhe se kanë pasur strukturë që zgjati nëntë vjet.
Mes analizave të renditura tre prokurorët që shpallën moskopmetencën theksojnë faktin se qytetarët të cilët shpesh shtyheshin të merrnin kredi të dytë për të mbyllur të parën, interesat e kredive shkuan në vlerën 700 përqind në vit.