Pas disa raportimeve të bëra në lidhje me të, Naureda Llagami, ish-kryetarja e Këshillit të Lartë Gjyqësor (KLGJ), ka reaguar publikisht.
Nëpërmjet një deklarate të bërë në rrjet, Llagami bën me dije se komunikimet e pretenduara me znj. Bushka të cilat kanë bërë bujë nëpër rrjet, janë të pavërteta.
Ajo thekson se këto mesazhe janë shpërndarë në mënyrë anonime në media të ndryshme nga një person i cili prej një viti e ka përndjekur në platformat sociale “LinkedIn” dhe “Facebook”, duke postuar materiale që cënojnë rëndë reputacionin e saj.
Ndërsa thuhet se personi në fjalë është pezulluar nga detyra gjatë kohës kur Llagami drejtonte institucionin e KLGJ.
Në përfundim të deklaratës së saj, Naureda Llagami nënvizon vendosmërinë për të ndjekur rrugën ligjore për të mbrojtur figurën dhe integritetin e saj.