HAGË – Samiti i NATO-s ka nisur me një darkë solemne në pallatin Huis Ten Bosch në Hagë, e ofruar nga Mbreti Willem-Alexander dhe Mbretëresha Máxima.
Ndryshe nga vitet e tjera, këtë vit Samiti zhvillohet nën një atmosferë të ngarkuar gjeopolitike dhe me pjesëmarrjen e liderëve kyç të aleancës ushtarake.
Atmosfera në darkën mbretërore nuk mungoi të tërhiqte vëmendje për detaje protokollare, ku Trump u shfaq me një kostum blu të hapur, ndërsa Volodymyr Zelensky, në një paraqitje të rrallë jashtë uniformës ushtarake, kishte zgjedhur një kostum zyrtar.
Ndërkohë Presidenti francez Emmanuel Macron përshëndeti Mbretëreshën Máxima dhe princeshën Amalia me një gjest të vjetër, një puthje në dorë.
Në këtë darkë ka qenë i pranishëm edhe kryeministri Edi Rama, ndërsa të pranishmit kanë realizuar edhe një foto familjare./Radar.al
Rama ndan foton familjare krah liderëve të NATO-së në pallatin mbretëror, shoqërohet nga Linda