TIRANË– Piktori i njohur shqiptar Helidon Haliti në një intervistë për Radar.al ka folur për pikturën, artin e padyshim edhe për Kryeministrin Edi Rama, i cili dhe ai si një piktor aktualisht është në qendër të vëmendjes në prag të zgjedhjeve parlamentare 2025.
Haliti u shpreh se Rama s’ka qenë basketbollist i mirë Rama, por paska qenë një trajner i jashtëzakonshëm.
“Ndërsa përsa i përket artistit unë nuk do të doja kurrë një piktor të dështonte në të gjithë dimensioned e tij. Por piktori ka një gjë që përpara tablos vendos ai se kur do ta fshijë tablonë dhe ta fillojë nga e para. Ose kur do ta fshijë tablonë ta lërë 4 vite pa e prekur dhe ta mari pas 4 vjetësh dhe ta bëjë një kryevepër.“-shton ai.
HELIDON HALITI: Isha me një shok dhe e njoh që të ri atë djalin, kemi qënë në një klasë. Ai na tregonte histori të vërteta ose më saktë tregonte përralla si histori të vërteta. Lexonte Zhylvernin dhe të nesërmen vinte e na i shiste si aventurat e tij. Brënda vetes time ai do të mbetet gjithmonë magjik, por ka një zhvillim dispropocional të karrierës sime me të tijën. Ai është ekonomist kurse unë piktor dhe e përshëndesim njëri-tjetrin në lagje. Sot u ulëm dhe ndenjëm së bashku goxha gjatë. Sigurisht që çështja e ditës janë zgjedhjet dhe padyshim Edi Rama edhe më pyeti. I thash nuk jam fare në hijen e tij. Më tha nuk je në listen Rama? I thash nuk jam as në listen zh për hir të së vërtetës dhe në atë kohë kalon një politikan që mos ta përmend se jemi në prag të zgjedhjeve dhe na monitoron, me pesë vajza shumë simpatike. Unë si piktor padyshim nuk e humbas këtë rast dhe ai më përshëndet ndësa unë i dhashë dorën. U tregua shumë i zgjuar duke thënë ” Mos i bëni fushatë këtij djali” duke menduar që unë jam i garantuar që do t’ia jap votën majtas meqë babai im ka qënë. I thashë a e di si është puna? Kush e do sot Edi Ramën duhet të ketë fuqi t’i thotë të vërtetën. Unë nuk jam kaq altruist të jem i sinqertë dhe nuk mund të them që kam aq shumë kohë saqë t’i kushtohem dhe ta dua aq shumë saqë mundet t’i japë një konsideratë se çfarë ka bërë më mire, por di një gjë që në të gjitha dimensionet që ju thatë apo zhanerat harruat të qënit basketbollist. Nuk ka qënë basketbollist i mire Rama, por paska qënë një trajner i jashtëzakonshëm. Ndërsa përsa i përket artistit unë nuk do të doja kurrë një piktor të dështonte në të gjithë dimensioned e tij. Por piktori ka një gjë që përpara tablos vendos ai se kur do ta fshijë tablonë dhe ta fillojë nga e para. Ose kur do ta fshijë tablonë ta lërë 4 vite pa e prekur dhe ta mari pas 4 vjetësh dhe ta bëjë një kryevepër. Metafora ime është mëse e mjaftueshme përsa i përket kësaj./Radar.al
Helidon Haliti: Parashqevi Simaku është produkt i sistemit, do kishte sukses në ‘Hollywood’
Begaj nga Katedralja e Tiranës: Pashka na fton drejt dashurisë dhe mirëkuptimit