Safet Gjici, Ish-kryebashkiak i Kukësit, i kërkon gjykatës së Lartë ta shpallë të pafajshëm.
Në rekursin drejtuar gjykatës, Gjici pretendon se ka qenë kurth i kundërshtarëve politikë videoja me Alma Kaçin.
Sipas tij, afera seksuale me Almën, nuk është as shpërdorim detyre dhe as korrupsion.
Safet Gjici i thotë gjykatës se kreu marrëdhënie me Kacin me dëshirën e saj dhe se video regjistrimi i bërë publik nuk ka cenuar asnjë marrëdhënie juridike. Sipas tij, ajo ishte cenim moral dhe etik, por per kete ish kryebashkiaku thote se është ndëshkuar tashmë, raporton TCH.
Duke kundërshtuar dënimin e formës së prerë që e konsideron të korruptuar përmes një afere seksuale, Gjici këmbëngul se nuk ka premtuar dhe as pranuar asnjë favor.