Në pamje të parë, dhomat e hotelit mund të duken të pastra. Por shumë sende në to janë plot me mikrobe dhe baktere. Këtu kemi parasysh telekomandat, çelësat e dritave dhe veçanërisht karriget.
Një dhomë hoteli është në thelb një dhomë që ka strehuar përkohësisht qindra ose mijëra njerëz për një periudhë kohore. Pas një udhëtimi të gjatë, një nga gjërat e para me siguri që të gjithë bëjnë është të relaksohen duke u ulur në një nga karriget e rehatshme, me jastëk në dhomë, ndoshta duke parë televizor ose duke ndezur laptopin e tyre.
Karriget
Zakonisht, karriget në hotele janë prej pëlhure dhe tapiceri është i vështirë për t’u pastruar.
Përveç kësaj, në dhomat e hoteleve, karriget përdoren për të vendosur rroba të pista, këpucë dhe peshqirë. Vizitorët mund të gjejnë edhe insekte ose baktere mbi to.
Zakonisht, karriget e veshura janë të vështira për t’u pastruar dhe dezinfektuar siç duhet, ndryshe nga peshqirët dhe çarçafët që lahen në temperatura të larta, ato përmbajnë disa mikrobe potencialisht patogjene.
Përtej vështirësisë së pastrimit të thellë, mungesa e kohës për stafin e pastrimit do të thotë që kur riorganizohet dhoma, karriget pothuajse gjithmonë neglizhohen. Njollat mund të pastrohen por mikrobet, të vështira për t’u parë me sy të lirë, mbeten aty.
Për të shmangur problemet, rekomandohet që të vendoset një peshqir në karrige për të parandaluar kontaktin e drejtpërdrejtë.
Edhe qilimat pastrohen rrallë.
Asnjëherë mos ecni zbathur, edhe nëse ka tapete ose qilima.
Llambat, telekomandat dhe çelësat
Llambat, telekomandat dhe çelësat janë të prirur ndaj baktereve sepse preken nga klientët pa u pastruar sistematikisht.
Këshillë: Fshijini ato me një pecetë dezinfektuese.
Vëmendje duhet t’i kushtohet gjithashtu pastërtisë së sendeve të tjera plastike që shpesh preken nga klientët. Këto përfshijnë tharësen e flokëve, çelësat e dritave dhe mobiljet e kopshtit ose ballkonit. Rekomandohet të dezinfektoni duart pas përdorimit të tyre.