Nga e premtja deri ditën e djeshme (19 gusht), në portin e Durrësit, janë përpunuar rreth 38 mijë pasagjerë dhe 11.428 automjete në hyrje-dalje. Fluksi ka qenë disi më i ulët krahasuar me një javë më parë, kur u regjistruan 42.585 pasagjerë dhe 13.333 automjete.
Për të përballuar lëvizjet, tragetet e linjës Durrës–Bari dhe anasjelltas kanë operuar me lundrime të dyfishta. Sipas kapitenarisë së portit, gjatë këtyre pesë ditëve në hyrje janë regjistruar 12.945 pasagjerë dhe 3.774 automjete, ndërsa në dalje janë shënuar 25.033 persona dhe 7.664 automjete.
Krahasuar me javën e kaluar, vihet re një rritje e dukshme e lëvizjeve në dalje, pasi periudha e pushimeve verore ka përfunduar për shumë emigrantë dhe shqiptarë të diasporës, të cilët po rikthehen në vendet ku jetojnë e punojnë.
Radar.al