Janë publikuar zyrtarisht notat e provimeve me zgjedhje të Maturës Shtetërore 2025, duke përmbyllur procesin e testimeve për këtë vit shkollor.
Në total 25,872 maturantë iu nënshtruan këtij provimi. 360 prej tyre kanë marrë notën 4.00, duke mos e kaluar testin, ndërsa 366 maturantë kanë arritur notën maksimale 10.00, duke u vlerësuar si ekselentë.
Sipas të dhënave të Ministrisë së Arsimit, kalueshmëria arrin në 98.61%, ndërsa nota mesatare e maturantëve është 7.72, një tregues pozitiv për performancën e përgjithshme.