TIRANË– Romanca dhe zyrtarizimi i lidhjes së Princ Lekës me fotografen e tij, Blerta Celibashin është një temë e përfolur gjerë në median rozë. Pavarësisht se lidhja e tyre vazhdoi përgjatë një situate të vështirë ku Princ Leka ishte në proces divorci me nënën e vajzës së tij, Elia Zaharinë, çifti nisi bashkëjetesën.
Nga një koment në një foto të Blertës është zbuluar se dyshja shumë shpejt do të zhvillojnë edhe dasmën.
Në një prej postteve që Blerta Celibashi ka postuar në Instagram, miku i saj i komenton se i ka rënë nuri i dasmës. Një “LIKE” nga fotografja tek ky koment është në njëfarë mënyrë një konfirmim.
Megjithatë si Princ Leka dhe Blerta Celibashi, ende nuk e kanë konfirmuar zyrtaarisht se do të ketë një dasmë shumë shpejt, për kurorëzimin e dashurisë së tyre.
Princi dhe Elia janë divorcuar zyrtarisht prej datës 25 Prill. Gjykata vendosi që vajza e tyre, Geraldina t’i lihet për rritje dhe edukim nënës së saj Elias. Sipas marrëveshjes Leka Zogu do të paguajë 1 mijë euro vlerë monetare mujore si detyrim ushqimor kundrejt vajzës Geraldinës. Kjo shumë përfshin shpenzimet për nevojat e përditshme të fëmijës dhe do të paguhet në llogarinë bankare të Nënës.