Një aksident është regjistruar para pak çastesh ku dy shtetas të huaj me motor janë përplasur me një makinë në aksin rrugor Himarë-Qeparo.
Burimet bëjnë me dije se shtetasit në fjalë po udhëtonin me motor kur papritmas u aksidentuan me një makinë tjetër që udhëtonte po në atë rrugë.
Për rrjedhojë mësohet se ata u rrëzuan duke marrë dëmtime të rënda në trup.
Policia e Himarës si dhe ambulanca mbërritën menjëherë në vendngjarje, ndërkohë që të plagosurit janë shoqëruar për në spitalin e Sarandës ku thuhet se gruaja ndohet në gjendje të rëndë.
Policia mësohet se po merr në pyetje drejtuesin e makinës ndërsa vijon puna për zbardhjen e ngjarjes.
NJOFTIMI I POLICISË:
Himarë/Informacion paraprak
Rreth orës 12:00, në aksin rrugor “Himarë-Borsh”, motomjeti me drejtues shtetasin austriak F. P., 63 vjeç, është përplasur me automjetin me drejtues shtetasin D. K., 61 vjeç. Si pasojë, janë dëmtuar 2 drejtuesit e mjeteve, si dhe pasagjerja në motomjetin që drejtonte 63-vjeçari, të cilët janë transportuar në spital për ndihmë mjekësore.
Grupi hetimor po punon për sqarimin e rrethanave të aksidentit./Radar.al
“Do pranoni rezultatin e zgjedhjeve apo do dorëhiqeni?”/ Berisha: Vetëm ai lart mund të ndalojë PD