IKMT vijon aksionin për prishjen e ndërtimeve pa leje në Luginën e Valbonës, ku në total janë planifikuar për t’u prishur 22 objekte. Deri tani, 3 objekte janë shembur nga institucionet, ndërsa 16 të tjera po çmontohen vullnetarisht nga vetë banorët, kryesisht struktura druri.
Tre objekte të tjera mbeten ende për t’u shembur, ndërsa gjatë ditës pritet të vijojë prishja e disa prej tyre. Ndryshe nga aksioni i ngjashëm në Theth, pjesa më e madhe e banorëve të Valbonës po bashkëpunon aktivisht në procesin e çmontimit.