Drafti i Kodit të ri Penal parashikon që bigamia – lidhja e dy ose më shumë martesave në të njëjtën kohë – të konsiderohet vepër penale dhe të dënohet me burgim deri në 3 vjet.
Sipas nenit 742 të draftit të publikuar për konsultim, nëse një person vazhdon të jetojë në bigami edhe pas një dënimi penal të mëparshëm, parashikohet një dënim më i ashpër: burg nga 6 muaj deri në 4 vjet.
Ky nen do të zbatohet edhe në rastet kur akti është kryer jashtë Shqipërisë nga shtetas shqiptarë ose të huaj me banim në vend, madje edhe në shtete ku bigamia lejohet ligjërisht, nëse viktima është shtetas shqiptar ose rezident në Shqipëri.
Neni 742
Bigamia
1. Lidhja e dy ose më shumë martesash në të njëjtën kohë dënohet me gjobë ose me burgim deri në tre vjet.
2. Nëse bigamia vazhdon pas dënimit të parë, dënohet me burgim nga gjashtë muaj deri në katër vjet.
3. Ky nen gjen zbatim edhe kur fakti është konsumuar jashtë territorit nga një shtetas shqiptar ose nga një i huaj me banim në Shqipëri ose në dëm të një shtetasi shqiptar ose të një të huaji me banim në Shqipëri, në vende apo shtetas të vendeve që e lejojnë bigaminë.
