Kryetari i Prokurorisë së Posaçme Anti-Korrupsion, Altin Dumani gjatë fjalës së tij në takimin me Shoqërinë Civile dhe Komitetin Shqiptar të Helsinkit është shprehur se Institucionet shtetërore që kanë të bëjnë me luftën kundër korrupsionit duhet të denoncojnë rastet në SPAK.
Dumani ka nxitur institucionet shtetërore që të tregohen në lartësinë e duhur dhe të furnizojnë SPAK-un me informacione dhe kallëzime.
Në apelin e tij, kreu i SPAK i është drejtuar dhe qytetarëve të cilëve u ka kërkuar që të bëjnë denoncime për çdo akt korruptiv që janë në dijeni.
“Secili institucion duhet te përmbushe detyrimet e veta. Thirrje qytetareve të denoncojnë çdo akt korruptiv në SPAK. Institucionet përgjegjëse për luftën kundër korrupsionit të jenë në lartësinë e duhur, te furnizojmë SPAK me informacione apo kallëzime.”- është shprehur Altin Dumani./Radar.al