Një shtetas shqiptar është arrestuar nga policia italiane pasi i janë gjetur kokainë dhe marijuanë me vlerë mbi gjysmë milioni euro.
Sipas raportimeve, policia italiane sekuestroi mbi 15 kilogramë kokainë dhe 12 kilogramë marijuanë të destinuara për “zonat kryesore të trafikut të drogës” në Italinë qendrore dhe veriore.
Në pranga ka përfunduar një 33-vjeçar shqiptar, i cili u zbulua pas lëvizjeve të dyshimta të vëzhguara nga Guardia di Finanza.
Shqiptari ishte duke hyrë në një fshat të izoluar në fshatin Lodi, kur policia nisi ta ndiqte. Ai u ndalua në Caselle Lurani (Lodi) duke pasur parasysh precedentët specifikë ndaj tij dhe mungesën e një arsyeje të vlefshme që justifikonte praninë e tij në atë vend.
Kontrollet e mëvonshme lejuan zbulimin dhe sekuestrimin e një “magazine droge” të vërtetë. Sasia e drogës do të sillte nëse hidhej në “treg” rreth 600 mijë euro.
Gjithashtu, u sekuestrua materiali ambalazhues dhe pajisjet e përdorura për përgatitjen e dozave, si makina ambalazhuese me vakum, peshore, prerëse, thasë dhe çanta shpine.