Leonardo DiCaprio ka zbuluar më në fund arsyen pse shpesh fotografohet i mbuluar me maskë apo kapelë, edhe shumë kohë pasi pandemia ka kaluar. Aktori 51-vjeçar, një nga emrat më të respektuar të Hollywood-it me një karrierë plot çmime – mes tyre tre Golden Globes dhe një Oscar – thotë se fama ka ardhur me një çmim të lartë.
Sipas DiCaprio-s, mënyra e tij për të ruajtur vazhdimësinë në karrierë është të mbajë sa më pak profil publik jashtë ekranit. Ai tregon se e ka kuptuar herët se ekspozimi i tepërt mund ta konsumojë një aktor të famshëm më shpejt sesa çdo rol.
“Pyeta veten: Si mund ta kem një karrierë të gjatë? Unë e dua atë që bëj dhe besoj se mënyra më e mirë është të qëndroj sa më larg syrit publik. Është një ekuilibër që kam tentuar ta ruaj gjithë jetën time. Filozofia ime është e thjeshtë: dil vetëm kur ke diçka për të thënë ose treguar. Përndryshe, zhduku sa të mundesh,” tha ai.
DiCaprio pothuajse nuk del kurrë në publik pa kapelë, maskë apo një kapuç që i mbulon fytyrën. Ai nisi t’i përdorte gjatë pandemisë, por i ka kthyer në mënyrë jetese edhe sot.
Edhe në dasmën e Jeff Bezos në Venecia, aktori u fotografua teksa përpiqej të qëndronte i maskuar, me një kapuç të ulur mbi fytyrë për të shmangur vëmendjen e fotoreporterëve.