Ditën e sotme GJKKO firmosi 6 urdhër kontrolle për anëtarët e shtabeve elektorale të Partisë Socialdemokrate të Tom Doshit në Shkodër.
Burimet bëjnë me dije se janë sekuestruar celularët, ndërsa thuhet se janë kryer kontrolle edhe në makinat e anëtarëve të shtabeve elektorale të PSD.
Më tej thuhet se njëri prej tyre ka refuzuar kontrollete për rrjedhojë ai është shoqëruar nga policia.
Ditën e sotme në SHkodër mbërriti dhe kreu i SPAK, Altin Dumani, i cili zhvilloi një takim me prokurorin Albert Murçaj në kuadër të intensifikimit të hetimeve në lidhje me indiciet për krime zgjedhore.
E njëjta gjë u zhvillua edhe në Lezhë, ku Dumani u takua me Arben Nikën, të komanduarin si kryeprokuror i Lezhës, si dhe me përfaqësues të Policisë Vendore në Lezhë.
Vetëm 3 ditë para zgjehdjeve elektorale, SPAK njofton zyrtarisht se janë administruar materialet për 123 raste të dyshuara për krime zgjedhore, nga të cilat vetëm 35 raste thuhet se nisën procedime penale, nën dyshimin e krimeve zgjedhore, për të identifikuar personat që po tentojnë të ndikojnë në zgjedhje.